Ялалтын улирал эхэллээ

Эх нутагт минь хавар цаг ирлээ. Өсч үржих, төлжин дэлгэрэх, цэцэглэн мандахын билэгдэл болсон хаврын улирал Монголын сайхан оронд айлчлан ирлээ. Тэсгим өвлийн хүйтэн жаварт хайрагдаж, хөр цасанд толгой гудайсан Монголын цэлгэр талд удахгүй өнгө алагласан цэцэг, жимс дэлгэрнэ.

Тиймээ, удахгүй Монгол улс хөгжинө. Хахир өвлийн жихүүн салхинд зутруухан алхахдаа урин дулаан хавар цаг ирнэ гэдэгт би үргэлж итгэдэг. Хаврын улиралд итгэдэг шигээ, Монголын ард түмэндээ би итгэдэг.

Латинаар галиглахад стандарт хэрэгтэй юу?

Монгол улс маань хөгжих нь үү? Энд тэнд ёлтойж гялтайсан гэрэл гэгээ үзэгдэнэ үү?

Надад лав харагдах юм алга аа. Нэр ус, хаяг аддрессаа зөв галиглаад биччихэж чадахгүй улс чинь яаж ч хөгжих вэ дээ? Яаж гадаад хүмүүстэй, улс орнуудтай харилцах юм бэ? Аан?

Цэцэгээ гэж хүний нэрийг хоёр янзаар (Tsetsegee, Cecegee), Мөнхөө гэвэл бүр зургаан янзаар бичээд байх юм. (Monhoo, Munhuu, Munkhuu, Monkhoo, Monxoo, Munxuu)

Чингис гэдэг нэрийг доод тал нь дөрөв таван янзаар бичдэг. (Chinggis, Chingges, Genghis, Qingis ...) Ядаж байхад, криллээр бичихдээ хүртэл Чингис, Чингэс гээд хоёр янзаар бичнэ.